【我只在扶你】

【01起步】

由15歲做過包裝，啤工，侍應，水吧，戲院帶位，電子廠裝配。該煨，未夠兩年時間轉工轉到七彩，為咩？我點知。總之，我只知道當時揾野做唔難，離職原因乜都有，太悶，工友樣衰，冇女或者d 女唔掂都可以成為理由，因為由果陣開始我已經成日比人讚靚仔，既然係咁當然吊高自己嚟賣，我鍾意吖。

好喇，終於有份工稍為穩定d ，因為有幾個差唔多大既女仔做同事，而同其他麻甩同事混熟後，開始聽埋佢地FF既故事，天真既我成日信以為真，聽完照辦煮碗，點知就撞哂大板，咁點好呢？

結果有個高人教路：「細路，想溝女吖？開頭唔好心頭咁高，揾差少少而望落會鍾意你多d 既女仔練習下先，睇你都唔係拍一次拖就結婚生仔果種人啦。」咦？啱喎「喂，呢餐茶我既，隨便叫。」

之前衰兩次之後開始揾冇咁起眼既女仔實習，先戒除口花花，再扮乖仔成日袋本參考書同筆記簿，著衫斯文d ，買副平光眼鏡，就等有日吼佢收工後一個人晌巴士站等車果陣特登扮睇書從後撞埋去，再扮跌低暗中啪斷支雪條棍，啪一聲扮扭親添。邊個教？冇人，心血來潮突然諗到。咁個女仔點反應？

【02試探】

一個女仔無啦啦比人從後大力咁撞一野，比著咩人都嬲，不過如果見撞到佢果個居然撻落地仲啪嘞一聲。我乘機就嗌：「哎呀，好痛，好痛。」個女仔望住我認得出我係同佢同一層樓做野既同事，咁當然，靚仔或多或少都有d 著數。

個女仔察覺到周圍好多人望住，就細細聲同我講：「喂，你點吖？企起身先講啦。」我就繼續哎呀哎呀，舊患舊患。然後伸起我隻右手，嘿，咁就呃到妳扶我。企直後我仲左片右片，哈哈，乘機搭到佢膊頭實一實，然後講：「唔該哂，小姐妳真係好人。咦？妳咪 ..... 。」

「係呀，你晌十樓裝嵌部，我係QC果邊，你又係搭呢架車？平時唔見你既？」我手仲楂住本書，就話：「哦，我係去圖書館還書，順便想再借深少少既參考書。」

佢：「嘩~ ，你咁上進架？」我：「哈，梗係。」一路係咁傾，佢都忘記咗我地兩個個身係貼住咁企，到佢發現想縮果陣我就捉實佢嗌痛，再話：「人地話眼大大既女仔心腸特別好，睇嚟係真架喎。」佢就笑住咁：「耶~ 。」哈哈，得米。

好喇，拖咁耐架爛鬼巴士終於到，去邊架？藍田？咪喇，話坪石果個圖書館算喇，咁好自然我呢個傷殘人仕上車要由呢個妹妹仔一路扶住。

【03抄牌】

當年仲係分香港打5字頭，九龍3字頭的撥號電話，手提無線電話？痴人說夢，連地鐵亦只係到觀塘既年代。個女仔住藍田自然要迫巴士，仲要扶個傷殘人仕，即係我上車，哈，過癮。

一路扮跛扮到落車，因為到坪石大約6個站，打鐵趁熱。上到車得企位，個個迫到實，而我依然需要人扶，而且面對面咁望住佢，都唔係唔靚吖，只係粗框眼鏡，稍為豐滿咗d 。

我求其開口問佢屋企人以前係咪耕田？哈，估唔到佢好雀躍咁講：「你點知架？阿爺以前晌上水耕田，耕到老豆果代就冇再種野，有財團收地之後就搬嚟藍田，咁咁咁。」我話：「估唔到我地咁好傾，不如咁，我今晚打比妳再傾吖？」

為咗驚比旁邊人聽到，我叫佢用手指寫晌我背脊，然後我晌佢背脊寫返。寫幾次寫啱之後，跟住我落車。

【04煲粥】

以前冇電腦冇手機既年代，隔空傾計就要用家居電話。成功用貼身方法攞到電話號碼後，即晚10點就打比佢，從電話聽聲真係有無窮想像空間，而且佢對我唔抗拒，問我傷勢點？又問點解會有舊患？仲叮囑我小心d ，咁關心我既？

似乎個高人教既方法可行，揾易落手同睇落已對你有好感既女仔落手，善用女仔既同情心同女仔大多數鍾意爽朗健談坦白勇敢有上進心而外表又幾好既男仔，哈，咁我咪完全合格？嘿嘿。

傾咗兩個鐘，耳仔都痛。到第日返工果陣再走去佢果邊約佢食飯，係呀，我係明目張膽。反之，四眼妹就鬼咁怕醜猛話唔好，咁收工囉。總之，我係要約到妳為止。

【05進取】

高人教落揀貌似已對你有好感既女仔，只不過當年我年紀實在太細，明查暗訪下得知四眼妹原來已經18歲，中五畢業，而我只係個中三未讀完既死o靚仔，有d 懸殊。再經過之前我曾聽d 蠶蟲教路追過其他女仔，唉，睇怕已經比佢知道，起咗戒心。所以之後我就明白晌一個環境之內你只可以釣一條魚既道理，愚翁撒網盞攞嚟衰。雖然講唔上好鍾意，但以我咁認叻既性格點可以就咁收手？

高人教咗一次之後就話要為自己積福唔肯再教，唯有集思廣益，所謂三隻大笨象踩死一個諸葛亮。整合眾人意見之後偷偷地走去麗宮戲院買兩張七點半後座既戲飛，記得要五個半一張，然後臨收工留意佢幾時走，吊住佢尾等佢一個人果陣就衝埋去。「喂，咁早去邊呀？下？返屋企？ Err....

唔好啦，不如 ......」我橫伸兩隻食指督住咁講：「我想約妳睇戲。」點呢？

【06 為食】

由於我有d 驚所以低頭細細聲講，四眼妹覺得奇怪又低頭從下向上望住我，講：「咦？你面紅呀？哈哈，睇你唔出」就問睇咩戲先？我話麗宮做緊果套，佢話月頭睇咗，而且翻做既。咁我就好委屈咁講：「人地未睇過吖嘛。」

跟住佢話唔喇，睇完好夜，女仔唔好出夜街。咁我就講：「咁，一陣我地有爆谷，有炸雞脾，燒魷魚絲，雞蛋仔 ..... 。」然後話：「妳住藍田之嘛，放心，妳住南極我都送，保証十點前妳會平安返到屋企，點呢？」咁都仲有得推？我心諗。但佢話佢已經有男朋友。嘩，一盆冷水。

不過，計數仔你冷靜分析下先，問詳細d 先怯都未遲。我：「係？咁唔見妳男朋友接妳放工既？下？去咗英國讀書？大妳一年？有我咁高？大隻過我？同我差唔多靚仔？」呵，呢下冇咩可能吖嘛？當然我心諗冇講出囗。

我：「只不過睇埸戲，而且佢去咗英國成年，或者佢宜家都同緊個鬼妹食緊爆谷咬住雞脾咁晌戲院睇緊戲喎？邊個知呢？去啦，當陪我睇吖，最近我成日睇書都睇到傻，妳都唔想我孤零零一個入戲院 ..... 好心有好報。」佢望住我唔知好嬲定好笑，就話：「你話架，我住南極你都送我返去架。」我：「一定。」佢：「真係有爆谷食？」我：「係，麗宮果頭冇，但我知附近英華戲院入面有得賣。」佢：「好，咁行啦。」

【07 比較】

我唔知邊個point 撞中佢肯去睇。係因為食爆谷？想有人送返屋企？還是，想起佢果個所謂男朋友好可能真係晌異地溝緊鬼妹，所以 ..... 。

如是者，我地入戲院之前一直餓狗搶屎咁乜都買乜都食，入場前一包二包咁。我話：「怪唔之得妳咁大隻。」佢依一聲成個人撞埋我度，我即刻：「嘩嘩嘩，哎呀，好痛，我啱啱比部坦克車撞親。」佢：「耶~ 唔睬你。」

散埸後我地行去排隊等15號巴士，上車後我地都係企，見佢幾開心咁既樣，就問起佢男朋友係個點既人？佢話：「佢呀，四眼，好乖好靜好斯文，唔似得你咁百厭咁多野講，有d 怕事，連拖手仔佢都驚，又唔去得夜街，屋企又管得佢好嚴，一味死讀書囉。」

「下？咁妳鍾意佢d 乜？」佢：「唔知啊，拍咗幾個月拖佢就話要去英國，臨走話會打長途電話同寫信比我，結果乜都冇。」哈哈，我心諗原來係咁，當時我已經察覺到有時d 女仔自己唔敢做既決定但卻希望有人幫佢地做，因為佢地都想試。我拖住佢隻手問：「係咪咁吖？」佢想縮，但我話尋日我地都攬過啦。佢：「咁點同呢，我只在扶你。」

【08 在乎】

佢講完「我只在扶你」，時間彷彿停頓咗幾秒，我地互相對望，佢既水汪汪眼晴我隔住兩副眼鏡都睇得好清楚，我除咗我副戴嚟扮野既眼鏡，諗住整個情深一吻。

點不知楂車個沐咀突然急剎，然後伸個頭出去指住前面個的士佬狂數佢祖宗十八代。哈哈，埸面幾惹笑。因為個巴士佬似乎讀過幾年書，出口成文，「你Ⅹ味咁Cut線，你係咪痴Ⅹ線，楂車楂到咁牙煙，黃泉路上好相見 .... 。」

我見我同四眼妹因為咁攪埋一舊，我語帶雙關咁話：「我宜家都在乎妳。」不過之後氣氛變得尷尬，落車後我地行到離行離勒，去到個球埸佢指住對面話到喇：「唔使再送，費事一陣比班陀地見到過嚟 “逗你”。」

【09 陰影】

四眼妹突然冷淡既態度好似鬼上身咁，完全變咗另一個人，有陣陰氣浮現佢面上，令人心寒。送完佢返去我搭返回頭車，再轉車返到屋企後一直百思不得其解。

第日返工，雖然我地同一層做野但唔係刻意就根本撞唔到，如是者過咗三日，到星期日放假，我膽粗粗打比佢，佢接電話後就話出嚟先講，咁最就近佢既地點係觀塘裕民坊寶聲戲院對面麥當奴。

收線後我二話不說即刻著衫著鞋攞鎖匙銀包煙仔火機同埋一杯水，標出門口後我用呢杯水“啷口”洗面剩低的就搽頭咁衝落樓下，掉咗隻杯之後，「的士 .......。」

去到見到佢已經到咗，佢好似產後失調咁既樣，然後佢開始講佢身世，佢阿媽曾經背叛佢阿爸勾佬，從而 ..... 原來佢驚佢有佢阿媽既遺傳，仲話佢發覺好似鍾意咗我。嘩？乜咁突然呀？

【10 淡定】

我趕住嚟心跳已經快，再比四眼妹嚇一嚇跳得仲快。我見枱面冇野就叫佢等陣先，我去買兩份早晨全餐，然後一路諗下點應對，佢發生咩事呢？

佢父母離婚跟老豆住，屬單親家庭，佢媽咪對佢老豆不忠，所以自細佢好憎佢媽咪咁水性楊花，但宜家佢自己因為男朋友唔晌度一年就鍾意咗第二個，咁同佢阿媽有咩分別喎 , 然後晌度喊。

聽完我冷靜落嚟思考一陣，我坐埋去佢果邊然後講：「太複雜喇，我地逐樣拆。首先，我都鍾意妳，真既。跟住，妳阿媽係結咗婚生埋妳之後，而妳宜家只係一個拍咗幾個月的散拖，唔可以相提並論。」我雙手搭住佢膊頭再講：「信我，妳絕對同妳媽咪唔同。」

我講完佢好自然靠埋落我度，問我咁宜家點算吖？幸好我屬於美貌與智慧都唔笨重既男仔，靈機一觸，「妳有妳男朋友屋企電話架呵？知道佢全名？」佢：「嗯。」我：「好！咁得喇。我硬係覺得果個妳話好靜好乖好聽屋企人話既男仔有d 野，食完我地去揾電話打。」

【11 騙案】

果個係冇手提電話，可以擔住口煙上巴士既年代，咩呀！食煙就係型既象徴，我話既。哈，離哂題添。食完就拖住四眼妹行，突然想起：「妳叫咩名吖？」佢：「文文呀，你唔係呀嘛計數仔，你唔知我叫咩名架？」我：「傻啦，我頭先見妳喊到三魂唔見七魄咁，睇吓妳回咗魂未之嘛。」心諗：「噓，兜到啩？」一額汗。

電話，仲要靜靜地既地方，揾到個電話亭，唔， okay，雜音唔多。然後我打去：「喂，請問阿乜乜乜晌度嗎？」一把好粗魯麻甩佬聲就問：「你邊個揾佢呀？」我：「喔，冇，佢同學之嘛。」麻甩佬：「邊間學校同學？你叫咩名？喂，白撞呀？」跟住收咗線。谷鬼氣，完全打亂哂我部署，點好？文文問我做咩？我話我懷疑呢個男仔根本冇去到英國，仲晌香港。我望住文文話：「不如咁 ........ 。」

跟住文文打去：「喂，先生你好吖，我係中央圖書館職員打嚟架，請問有冇一位乜乜乜先生晌度住呢？」條友客客氣氣回應有。然後文文：「唔好意思呀，乜先生用本會圖書証借咗本書一年未還，要罰三百五十蚊，請問 ....。」跟住傳嚟好粗魯既聲音：「衰仔，你借咗本咩書成年唔還呀？罰錢吖宜家，快d 過嚟搞掂佢！」

之後 ... 就係文文同佢前男朋友既對話。

【12 誤會】

文文從電話亭出返嚟之後成個人唔同哂，舉高雙手仰天大笑，哈哈。然後過嚟撓住我右手就話：「你好叻吖，乜都估中晒，佢真係仲晌香港，我地分咗手喇。」我：「哦，意料中事，唔叻點做妳男朋友？」

文文：「懶醒 .... 不過，我都早知你鍾意我。」我：「？？。」文文繼續話：「你返工第五日你同阿霞講緊野果陣我行過，你眼都唔眨咁望住我，連阿霞都睇得出，嘻嘻。」我：「...... 」（果次我係想開口約阿霞而妳經過阻住哂，我等妳行過之後又唔記得咗想講咩就死死地氣走咗。) 妳 ....。然後文文好得戚咁又話：「仲有阿娟果次，你 .....。」我制止叫佢唔好再講，我心入面滴緊淚，公司兩大美女我出擊失手原因都係因為妳行過，哼!

激死我。

可能我太喜怒形於色，文文見到就話：「咦？你認真個樣好可愛啊。」我就嚟比佢激死，突然覺得佢好醜怪，陣間點懲罰妳好呢？

【13 中伏】

文文雙手捉住我隻手晌佢身前係咁掃，問：宜家我地去邊吖？嘩？妳心情變得咁快既？頭先仲好似死老豆咁，宜家就開籠雀，叫我點適應呀？咁近戲院我提議不如睇戲，佢話好。仲係咁搖我隻手，掃到妳個胸好多次喇，姐姐。

當然呢d 福利既野我冇理由出聲，但破壞我兩次美夢呢個仇一次要報。入到戲院坐低仲未開埸文文問我怕唔怕唧？然後郁手郁腳，哈，我呢d 皮堅肉厚賤骨頭，怕唧？妳真係開玩笑。嘿，到我，然後全院熄晒燈，啱晒。

唧我吖嗱，到我唧返佢果陣實在太過面貼面，佢突然錫咗我一下，咩意思？

鼓勵我繼續？已經摸到腰嗱喎，向上就 ..... 。佢個身扭來扭去。我就問：「喂！妳收埋咗d 咩晌度？咁大個橙既？」

【14 燈掣】

佢：「耶~。」嘿，由果刻開始我發覺女仔一耶，個意思等同鼓勵你繼續，咁我就唔客氣喇。我：「咦？足兩磅喎，點賣架小姐？」文文：「耶~ 你仲嚟吖？攞返出嚟呀。」我：「吓？可以攞得出嚟架？」

佢用手㩒住，我見咁異相就抽返隻手出嚟再除咗我件風褸比佢披住，當然再隊返隻右手入去，就話：「殊~ 睇戲，睇戲。」隔一陣我再噗噗，噗噗咁細細聲叫，當然手指郁下配合節奏，佢：「喂呀。」我：「心跳嚟架。」文文：「呢邊邊有心跳架？」啊，係喎，右邊係冇架喎。我陰陰笑：「妳唔想一陣邊大邊細的話，我地調位。」

而我開始發覺我地個舉動已經引起人地注意，畢竟星期日係旺場d 。我向後望，後面仲有暗角空位。我拍拍文文：起身，我地坐去後面。佢已經任我魚肉。坐去後面周圍冇人既位置我更加猖狂，我起勢咁摔報仇咁報，然後 ...「咦？我揾到個燈掣吖，呀？點解禁極都唔著既？？」

【15 無知】

以前聽過做野同事講戲院入面摷野係好普遍既事，最初以為9up，然而我忙裡偷閒四周圍望下，都有5 pairs 好似我地咁。文文比我折磨到成個人軟晒，佢扶我上車果舖力大到我懷疑佢耕開田，但宜家連雙手推開我都唔夠力，仲喘緊氣。

好啦，放過妳，不過我地近到面貼面，都係果句，文文唔係唔靚，人地話18無醜婦，有就食詐糊，但我真係未試過拍拖同點樣同一個女仔親熱，以前又無AV片睇教路，唯有一齊鍚面啦。（妳錫下我我錫下妳，共赴患難絕望裡，緊握妳手，女朋友友友友） ......... 。

錫到咀對咀果陣仲衰，一齊啜就“啜住”，要推開佢個頭先甩到，但就好似開香檳咁好大聲“卜一聲”，終於有人“殊” 叫我地唔好咁嘈。初戀，應該點做我地完全唔識，次序錯晒，我都係一個鐘頭前先知佢叫文文。

散場後我地成面對方既口水，在附近揾廁所洗完面後，我問：「我地宜家去邊呀？女朋友。」文文：「唔知道呀，男朋友，你話呢？」我：「不如我地出旺角行好唔好呢？女朋友。」文文：「你話事啦，男朋友。」一路咁肉麻講野，該煨，宜家聽到都作嘔，難為當其時做得出，果真年幼無知。

【16 入局】

果個年代有人覺得「地鐵」似條蚯蚓晌地下捐來捐去，根本唔安全，觀塘出旺角梗係搭小巴啦。唔知係咪附近街坊未見過靚仔定未見過靚仔溝女，我地上到小巴幾十對眼望住我地，做乜？

坐滿人開車無幾耐個司機就唉聲嘆氣話世風日下，想當年佢地後生要勤力做野或者讀書求學，邊似得宜家d 細路咁幸福，咁細個就拍拖。前頭近司機位有個大叔搭咀：「係啦，我地果陣要顧家揾食，邊得嚟咁多兒女私情。」我同文文妳眼望我眼，然後一齊揞住咀笑，我細細聲同文文講：「細時唔讀書，大時做隻豬。」我仲話：「小心吖，宜家原來豬都識楂車。，笑到文文死咁滯。

出到旺角我地行金魚街，情況有d 似電影歲月神偷情節，睇接吻魚，魚既記憶力只有三秒。從金魚缸既倒影我見到我同文文，我心諗：「計數仔你終於拍拖喇，雖然唔係第一志願，但好醜都係肉，將就下啦。」

而相反，文文似乎就好滿意咁，因為到我地搭車走果陣佢話佢二叔識睇相，話佢第時個老公仔會好靚仔，仲話佢二叔我都識，係公司同我一個部門既智叔。嘩！平地一聲雷，「乜話？？果個高人智叔就係妳二叔？妳 .... 妳兩叔姪夾埋架？」

【17 串連】

今次呢番說話我冇經大腦就衝咗出嚟，文文問我講咩叔姪夾埋？我重組成件事係我想約阿霞約阿娟果陣智叔都在場，係佢通知文文我幾時會走過去佢地QC部，文文抱住睇靚仔心情先會咁巧合出現，咁橋破壞我好事，又令阿霞阿娟誤會，然後智叔再有果番說話引我落搭。後來我改變裝扮扮撞文文果陣文文巳經心裡有數，唔怪得啦，我都奇怪點解會咁順利。

我左邊膊頭跳咗隻天使小數仔出嚟就唱：「如若非心所愛好應該婉拒無謂接受佢這一份愛。」右邊膊頭魔鬼小數仔仲跳埋舞咁唱：『她那蜜桃火燙蜜桃你一觸摸過便熱到控制不了。」我同天使小數仔一齊話：「E~ 好cheap 呀你。」

文文以為我話佢，哼咗一聲就甩開我隻手走咗去。我就好怪雞咁鬧呢兩隻野唱乜叉野吖你地？我追上去拉住文文解釋，佢就一直用鼻發音：「哼！」由上車到落車一路解釋，我都唔記得自己up過乜，總之回應就「哼！哼！哼。」我問：「妳鼻有事呀？」然後又行到上次球場果度，文文話：「企晌度，唔使再送喇，哼！」就咁，今日既拍拖過程咁樣樣就完結。

【18 家姐】

「企晌度？企幾耐呀？」天使仔魔鬼仔又出現企晌我兩邊膊頭，我地三個一齊目送文文遠離。一個話「唔錯吖」，另一個就話「唔得囉」。激到我要追打呢兩隻有翼又識飛既小豆釘，「想點吖你地？哼！我搵我家姐。」

唔係親家姐，係以前一個同學仔既家姐，好好打好本事既女仔，大過我三年，早幾個月先撞返。佢叫我夜晚8點半上佢屋企先傾。上到去家姐笑淫淫話我終於大個仔識溝女喇。我就話我領哂野，一五一十講晒佢聽，然後佢索索索，話我個身有陣味就推咗我去沖涼，隔七八分鐘我沖緊果陣佢用張地鐵飛爆門而入。「喂，家姐妳做乜呀？」

詳情唔講，直頭真人版AⅤ亂倫情節，搞到十點幾先出返廳傾返我單野，食緊佢既事後煙講要咁先出到火，咪成日一谷住就落街跑步做運動咁戇豆。佢既見解係女仔都有呢方面需要，我下次可以照頭先佢教既咁做。我問佢頭先索到d 咩味？佢話：「男人味吖，傻仔。」

就咁，我無啦啦比我家姐搞掂咗，哈，不過又真係幾爽。嘿，文文，下次到妳喇。仲有兩集 ....。

【19 和好】

我家姐識黎明，未紅前啱啱入電視台既黎明好爛玩，家姐又係交遊廣闊既人，認識過程就唔係好知。

言歸正傳，返到公司文文有四日冇睬我，而我有四日冇睬智叔，哼！嬲吖我。但畢竟文文係因為我靚仔而鍾意我在先，再加上我風趣多手多腳古靈精怪幾吸引佢，所以到第五日中午食飯時間佢已經忍唔住過嚟搵我，問聽日放半日有冇地方去？我仲記得魔鬼仔唱果d 同家姐教果d 。答：「有啊，踩單車吖，好唔好？」講講下撞下佢，佢又撞下我，冇事啦。

到第日佢居然著裙返工，替死咩妳？收工後我話妳咁樣點踩吖？走光架喎。佢伸伸脷咁：「哎呀，係喎，醒唔起添。」擺明係性暗示。谷鬼氣，就甜故甜到尾，出晒我所識同家姐所教既招數，睇我最後一集點樣搞掂妳。

【20 結局】

我就用好認真好重既語氣咁同文文講：「妳平時果種裝扮已經夠靚，今日仲著裙，唔使講朝早吹咗頭，有化少少妝，搽唇膏，仲 ..... 。」家姐教既，女仔刻意裝扮就係想考你既觀察力。「耶~~ 。」「嘿，妳又耶。」我地落三樓食堂食飯，食完我話去廁所「一齊吖。」但我話食堂果個肯定多人同污糟，六樓果個好。文文話空置單位嚟架喎。我：「我知 ...上去吖，果度冇人，同埋我查過今日有馬跑，巡樓果d 去晒投注站。」文文：「哈，你咁鬼馬既？」

上到去邊度係去廁所，我用張地鐵飛開咗其中一個單位的一間房門，拉咗文文入去就做返果次同家姐做既野，係冇花灑沖身而已。我一早放咗兩條大毛巾果度，一條先圍住佢個身，摔慶咗，入面果d 衫慢慢除，同用預先擺好既乾淨紙皮舖台，成個地方立即就變為戰埸 .....。

就係咁，我地搞咗野。利害之處係完全冇整烏糟佢套衫。果個單位入面真係有廁所，公家既所以有水有電。整理好之後我話去紅磡行下，其實又係家姐叫既。文文飽晒之後乜都聽晒我話，仲變得更加痴身，幾乎好似要玩二人三足咁行，麻鬼煩。由木廠街去紅磡行路都得，話晒我地行街之嘛。一路行文文仲成曰冤住話要錫鍚，唉，都係快d 將佢推比家姐......。

一個局，果晚家姐聽我形容文文呢個女仔之後話佢應該好啱做佢地果行，而且當時家姐話無論之後傾唔傾得掂都好，都有一千蚊車馬費比我，事成肯返兩個月工就多兩千。咩嚟既？咪姑爺仔囉。造就咗我之後溝女係有目的，甚至不擇手段，有錢賺架嘛。

後來記得仲有同文文去過幾次街，但之後佢無聲無色辭咗工，然後再揾唔到佢。而我跟住都辭工，因為我收到家姐個另外二千蚊。再揾工囉，唔係邊有新目標？

全篇完 .......

回首頁