07 【跳舞的阿儀】

【跳舞的阿儀】

01實戰

有日留意到一個晌附近做sales嘅女仔，三日都係著碎花裙，挽住個好長條帶嘅小手袋，行起上嚟跳嚟跳去，成日傻笑嘅女仔。今日預計佢又會响呢邊行過嚟。我迎面扮到好自然咁行過去就話，「喂，乜咁啱晌度撞到妳嘅。」。「咩呀，妳小學同學呀，五年班同妳同班架呢。」，「頭髮長咗好多喎，爭啲唔認得妳添。」。

 

佢眼望望咁，我再話：「我呀，大頭文呀，妳响附近做野？咁啱喇，我趕住交稿，知唔知呢個地址點去？」。 然後佢話：「晌後面街，棟大厦下面有間士多， 好易搵到。」我：「好， 唔該， 喂， 妳返緊工?」佢指一指我後面，我：「果間時裝店，幾點放工。今晚食飯吖。」 。佢呆一呆答我：「8點。」。我：「 好，8點我過嚟搵妳。」。跟住我好自然咁走先，要扮到真係趕去交稿吖嘛。 

 

家姐話過，大話係唔輕易講，但講得出就要記住自己曾經講過乜野大話。大話比人拆穿係一件好羞家的事，記住呀，數仔。 「知道喇， 家姐。」   

 

 

02 見面 

準時8點我入到佢做野舖頭，見佢個事頭婆粗聲粗氣指佢執呢樣執果樣，有叫佢個名， 阿儀 。我跟住叫，阿儀同事頭婆一齊望住我，我就話：「啊， 呢度啲 衫唔錯喎，花款質料都好。」事頭婆見可能有生意就開始落咀頭，而我跟住就話：「事頭婆好識做生意， 揾阿儀著起舖頭條裙， 幾靚吖， 我要一條送比我家姐， 幾錢吖? 。「 百三蚊 ? 唔貴喎。」，「 但係咁， 我係約咗阿儀食飯， 而且唔知家姐尺碼同鍾意咩色。 我放低錢先聽日嚟攞得唔得呢? 」  

 

「得，得 得，得得得」，即刻四萬咁口。然後話阿儀：「衰女包，幾時識咗個咁好嘅男朋友 ? 快快快， 去拍拖， 呢度等我執得架喇。」。我笑笑口望住阿儀：「 咁行啦， 女朋友。」。阿儀扁住咀咁望住我苦笑， 哈， 好鬼死姣。 

 

 

03 虚驚

阿儀，大約18歲，咁我都要扮返大個小小。當然，之前已經調查晒，事頭婆係佢阿姨，大約33，未嫁。阿儀讀書唔成咪要落舖幫手，開鋪大半年，親力親為所以生意幾好。仲知啲咩? 咪讀邊間小學囉，又點解會知? 派個姐姐仔落嚟查過架嘛，咪當我咩都冇準備就郁手先啦。 

 

出到舖行過一個街口阿儀就推開我：「喂，你讀邊間小學? 個校長叫咩名?」「哈哈，某某小學，校長鬼知咩?」。「咁男定女? 」。死喇，出緊汗，二份一機會。 我斬釘徹鐵：「男」。「算你啦，我地真係同班?」。「係呀，小姐，妳肚餓未呀?  去翠華食好唔好。多謝妳今日指條黑路我行。」。阿儀：「咩呀，後面街咋喎，咁都揾唔到?」我雙手搭住佢膊頭就話：「冇見十年做乜妳變得咁長氣? 」 。

 

食完，問佢「妳仲住緊東頭村? 送妳返去吖。」就咁，成個過程就變得我好似真係佢舊同學咁，佢擺明係無心向學唔多合群嘅女仔。我只要描述我係個書蟲小學雞，要過骨容乜易。而一路行我仲見佢跳下跳下咁。我問：「妳好鍾意跳舞? 」佢話係，「咁啱喇，遲下我有朋友搞船河，一齊去吖? 」。 「咦? 到喇，有咩聽晚8點我攞衫果陣再傾，OK?」  冇野係一步登天,後事如何?

 

 

04 地方

今次8點到情况唔同晒，已經執好晒野準備收舖，咁早嘅? 阿儀面有難色， 阿姨就問咩色同呎碼。我回佢，「米白粉紅碎花，中碼得架喇」阿姨一邊執就一邊問，「你做廣告公司? 讀設計? 幾好喎，官仔骨骨呢行啱你做，有前途吖，係阿儀小學同學?  拍咗拖半年? 幾時得閒咪上嚟食餐便飯囉。」

 

我望望阿儀，佢又係想笑唔笑咁，眼神就好似求我唔好拆穿佢。「係吖， 阿姨，我地拍咗拖半年，冇心隱瞞架，只係想等感情穩定啲先。」再望個死妹釘，佢整個鬼臉比我睇，嘿，一陣妳就知死，事隔一日妳作故仔原來仲叻過我。就咁,阿姨又係推我地出去拍拖， 又行咗一個街口， 今次係我推阿儀埋牆「妳吖,男朋友吖，拍拖半年吖。」阿儀：「咁 ...阿姨話你人唔錯幾有禮貌，又大方又幾好仔咁，話如果係你帶住我就放心比我出夜街 ... 」我：「呵，咁， 拍拖半年應該可以攬攬鍚鍚吖呵? 」 阿儀：「耶，你就想 .. ♡。」

 

又耶?  哼， 我話過妳地啲女仔一耶~ 就係暗示我地可以再進一步 「嘿， 行啦， 女朋友， 想去邊吖今晚 ? 」阿儀：「嘻， 醒目吖， 帶你去個好地方， 食飯先， 不過你請。 」 就又跳下跳下咁走咗去， 谷鬼氣。    

 

咩好地方呢?  要夜麻麻去?

 

 

05 街舞

阿儀話唔使破費，食雲吞麵就得，太飽一陣好易唔舒服。呵，越嚟越有趣咁喎。 然後我發覺佢今日換咗個黑色大袋， 好似裝咗好多野，搭車? 去尖沙咀?  阿儀一路面露好燦爛嘅笑容，十足啱啱放監。   

 

到尖沙咀碼頭阿儀叫我等陣就衝咗入公廁，等咗成十分鐘，原來係換衫化粧，行出嚟我詐傻扮唔認得佢， 佢笑住咁拍下我，我扮神色凝重咁：「哎呀，小姐，我女朋友入咗女廁好耐， 唔知佢晌入面係唔係有咩事? 妳可唔可以 ......  ? 」 阿儀：「耶， 咪玩啦， 我嚟架，真係好大分别咩? ♡」我：「嘩，妳換鞋換短褲，背心，短袖褸，塊面搽到五顏六色，搽唇膏,又整亂晒啲 頭髮，妳阿姨响度都未必認得妳啦。」佢若有所思咁話：「咁又係」 。 

 

然後行去宜家文化中心後面，已經有8男4女晌度，一班跳break dance 街舞愛好者， 哈， 真有妳的。佢地：「喂，阿儀，男朋友吖?」阿儀話「朋友咋」 而我就答「拍咗拖半年架喇，Hello，我叫阿文」跟住佢地逐個自我介紹， 啲 人名唔記得哂 lu 。 佢地繼續放音樂，我晌旁邊睇，完全放縱咗嘅阿儀跳起舞上嚟，好睇，好有魅力，我心諗，真係有資格做我女朋友吖。隔咗陣突然有十四條友踩場，前頭四個楂埋木棍大聲喝佢地走，有三個行前問咩事，爭拗起上嚟。阿儀當然好驚，但依然幾顧我安全，行埋嚟：「喂，一陣可能開拖，你走先啦。」  

 

咁嘅場面我十七歲前見唔少，我話「強弱懸殊，郁起手上嚟你班朋友實打輸架喎。」 阿儀好勇咁話：「咩呀，仲有我地。」我：「妳幾個女仔? 咁啦。」我細細聲講：「用美人計，陣間真係郁手果陣妳地幾個女仔晌旁邊拉低自己件衫，同我叫著紅衫個阿榮過嚟。」「嗱，阿榮，場交要赢我地要搶棍，一陣當佢地分神果陣我同你一齊衝前用雙手捉住前頭兩個手上枝棍，轉身背住佢一個批踭，記住要批中雞心，再回身兜頭扑落去，動作要快，我同你搞掂前面五個，你叫佢地七個對付後面果九個，明就去啦。」

 

然後散開逐個咬耳仔，仲嘈緊，呢班友真係恃人多，我行埋去同阿榮平排企，我突然爆句「咁多口水，清明咩宜家?」 啲 女仔哎哟，拉低件衫， 阿榮佢地跳開舞呢啲動作根本難唔到佢，扑，扑，兩個即場爆缸，咦? 枝棍好野嚟架喎。 

 

 

06 樹熊... 

但凡呢啲群交後面果啲多數做個樣，咋一聲形勢逆轉，頭四個比我同阿榮扑濕咗， 而跟住其他人去痛毆中間果幾個，四枝棍比我地搶哂，佢地有三個打都未打已經係咁退，歷時大概兩分鐘。然後我踩住瞓低咗果個就講，「點吖,清明講唔晒，重陽再講好唔好? 」 漂亮的一仗，阿儀開心到直頭衝埋我度攬住鍚，我：「喂，小姐，街嚟架。」佢開心到一味唔唔聲，唔記得咗點講野吖?  

 

阿儀黏到我實一實，我同佢講有正經野講，打勝仗嘅佢地振臂歡呼，向住我「阿文好野，文哥好野」整整下仲..「大佬文好野 」。我話 「等等， 等等， 我冇做大佬好耐喇。 」 哈，呢班人幾乎個個年紀大過我，我低頭舉起我隻右手，開始講野，佢地静晒晌度聽，「咳咳，首先，大家今次表現得好好，呢次成功係大家功勞，女仔方面妳地做得好出色，阿邊個，下次唔使成個罩都扯出嚟，知嘛? 」望一望阿榮，「阿榮好淡定，識得安排你地三個搶另一枝棍，所以可以咁快制服前排果五個，另外其他人亦做得好好，把握機會㩒住後面果六個嚟砌，一開始我地佔咗上風，咁宜家 … 我地打赢咗喇， Yeah～ 」

 

我講完到佢地癲咗咁狂叫，有個男仔仲激動到喊出嚟，佢話佢地跳咗年半左右， 成日比人趕， 換過六個地方， 最慘係 ..... 未有一場交係打赢過 .... 嗚嗚~ 男人老狗晌度喊，過埋嚟又想攬住我。我頂，一掌推開佢，佢講完其他人又感觸起上嚟 ...「又唔係殺人放火 .... 」。 

 

連阿儀都有反應，但當有其他女仔伸手過嚟我度果陣佢又好冷静咁 「縮手， 縮手，縮手呀」扁晒咀咁講「好姐妹都冇情講。」我問阿儀：「樹熊，捨得落嚟未?」佢仲係唔唔聲「咁，妳宜家再同大家講，我係妳邊個 ? ♡。」

其他人好合作咁一路拍手一路附和「男朋友， 男朋友， 男朋友 ....... 」嘈到成個海旁好多人都聽到。 

 

我話：「不如今晚到此為止， 執埋啲野， 啲 棍掉哂落海， 走啦好唔好?」再同阿榮講「都係要轉場， 我試下幫你地搵地方， 你Call機? 亅佢講完我話等我消息。尖沙咀，家姐勢力範圍，搵個地方應該唔難，難就難在唔知隻樹熊幾時先肯落返嚟，好重吖妳。

 

 

07 痴纏 

四散之後，阿儀同我搭巴士走，該煨囉，三個幾鐘頭前我地係斯斯文文咁各有各坐嚟，宜家? 坐到連體嬰咁，兩個迫埋一個位，我幾經辛苦先勉強推開阿儀少少透一透氣。睇佢含住舊襪咁嘅樣，真懷疑佢果陣智商有冇十歲。呢個時候巴士上層無乜人，我估即場除晒佢啲 衫搞佢佢都唔會反抗。咁當然，我唔會咁做。睇個樣食就食梗，係爭在幾時，啊，星期六晚有個船河，得喎， 阿儀跳舞咁叻 .....。 

 

不過，車程流流長，執下啲 甜頭先，我用手指响我塊面指來指去，阿儀就跟住鍚來鍚去，指到咀，我就開始攬住佢嚟鍚，撫摸背部，到腰，唔，骨架幾好，成車人望住?  

Who cares?

 

藕斷絲連依依不捨，係阿儀，我要扯同拉佢佢先肯上樓，到佢門口阿儀問「 入唔入嚟坐? 」我話，「傻咩? 十二點幾喇」推咗佢入屋就聽到佢阿姨叫佢，佢回應「我返嚟喇」隔兩秒再補一句「阿姨，我拍拖喇」就傳嚟急急腳嘅腳步聲。我晌門口聽到，搖搖頭，「唉，痴線。」

 

 

08 辦法

第朝，去搵家姐，順便將條裙交比上次探路個姐姐仔，當然仲係好驕傲咁展示宜家個進度，報告我做初級姑爺仔嘅成績，笑到啲姐姐仔死死下「有咩咁叻吖，傻仔? 」其次，「家姐呀，咁咁咁，佢地 .... 」家姐答，「得，家姐知道，你叫佢地嚟尖東呢邊」其實位置就係宜家起咗科學館果度，當時仲係一撻爛地，「過嚟呢度，以後唔會有人搞佢地。 」

 

「吓? 咁簡單咋? 我仲以為  ....」。家姐話「數仔，你傻仔嚟嘅，專心幫家姐搵人啦。」果晚，阿姨又好客氣咁「文仔，你嚟咗吖，阿儀換緊衫，你教到阿儀好乖喎，尋晚佢主動洗晒啲 碗同衫，今朝自動自覺起身執屋清垃圾， 話想屋企企理啲，有咩事咁開心吖你地? 唔會你地咁細個就想 ..... ? 」哈， 我明阿姨意思，我話「冇咁快吖阿姨，阿儀覺得自己大個女，屋企野佢都有責任搞吖嘛，阿姨妳賺錢養佢都好辛苦，所以咪幫下手囉。 」

 

寒喧幾句，阿儀出嚟，嘩，去飲呀? 同尋晚見佢又唔同咗，妳孫悟空嚟架? 見幾日幾日都唔同樣嘅? 就咁，又比阿姨推咗我地出門口，又行咗一個街口就又停，點吖，今次又邊個推邊個? 做乜習慣咗一行到呢度就要停一停?

 

阿儀突然問我，「你鍾唔鍾意我? 」好問題，我當時定咗晌度唔識答，然後佢又話「好似你咁，你絕對唔似普通人，你要女仔肯定大把，老實啲講，你係做咩架?」一路晌佢面前我係不多言，得佢吱吱喳喳講野，而且呢條問題真係好難答，我搭住佢膊頭佢攬我腰繼續行，我，我話「我係做姑爺仔嘅，專呃妳啲無知少女然後賣落火坑，妳信唔信?」  

 

佢 ..... 「耶，鬼信你呀，哈哈哈」又繼續跳下跳下咁行。單純既女仔， 無事啦， 咁食飯時就講星期六船河同順便落啲， disco，妳強項吖，至於阿姨果度我自有辦法佢會放妳， 妳話妳有個小學女仔同學Connie 成家人要移民， 星期日飛，咁星期六去佢屋企玩一晚 fairwell，所以呢幾日妳要繼續扮乖女 。而我明白阿儀尋晚根本就慶恰恰精力旺盛先搞咁多野，呢個女仔，食硬。     

 

09 變身.......    

或者當時阿儀已經察覺到邊係小學同學，邊係做雜誌社跑腿，甚至，邊係會鍾意佢。但佢鍾意，自從我出現之後佢同佢阿姨關係好咗，跳舞班朋友由以前當佢一個靠痴嚟玩既閒角，變成宜家嘅「文嫂」, 靚仔處事淡定只係我外表，實際令佢成個人開心咗呢個先係重點，真真假假，亦只不過過眼雲煙。 

 

驚喜還在後頭，以前搞夜晚船河 基本上唔使落水，冇人會著泳衣嚟，阿儀的碎花裙修整到成條晚禮服咁，果日下午四點幾去接佢果陣已經換好晒衫，呢隻孫悟空今次變到成個新娘咁，我問阿姨「妳設計架?」阿姨話「有份缝線，主要概念係阿儀諗嘅」，而我，「 阿姨，叫阿儀讀時裝設計好喎，咁有天份。」阿姨話「只要阿儀戒到跳舞就還得神落」。哦，我終於有啲明白 ....。 

 

「吓，行? 著成咁唔好換，好靚吖，等等，我出去截定架的士」。阿儀同文文好唔同， 形像可以百變成咁， 有跳舞底子， 起碼手腳一定好協調。「咁， 阿姨，我地出發喇，今晚Connie 搞咗個晚會，阿儀一定好搶鏡，放心，佢著成咁唔會亂咁跳嘅。聽日呢個時候我會接阿儀返嚟」。一副慈母Look的阿姨面帶笑容，同我地講「玩得開心啲 」

 

齊人之後七點正式開船，少少地80幾人，Host舞? 當然係改為由阿儀同我出去跳， 跳到咁上下我停低睇佢個人表演，比果晚睇佢仲跳得好睇，跳咗大半隻其他人先開始踩入舞池 。 搞手之一係我真正以前中學同學， 佢地都嘩然， 我拉返阿儀返嚟，原來佢都好緊張，成頭汗。休息下一陣再跳，成頭汗嘅阿儀笑住點頭「哦，知道」好可愛好聽話。由於佢識跳，所以當再落場果陣附近好多人讓開，而且著裙跳來跳去走光亦難免，睇住班咸濕佬流口水個樣真係好好笑，跳啦， 阿儀，下一場換套衫之後仲有排妳跳。 

 

10 遠慮 

輪到最香艷的戲肉，慢音樂幾乎熄晒燈嘅名正言順＂博懵舞＂當然係由我同阿儀跳，搭膊頭攬腰四目交投，睇住隔離開始攬實搖下搖下，氣氛 ....望住今晚上晒電嘅阿儀 ＂喂! 醒呀數仔，咁快把持不住將來你點食女無數?＂就當我心裡摑醒咗自己之時阿儀突然咀咗我一下，佢話佢今晚好開心。如我所料，帶阿儀黎係搶晒鏡。 

 

阿儀講出佢心底話，阿姨唔鍾意佢成日郁手郁腳，阿爸阿媽早死，係阿姨揍大佢，想佢讀好啲書，識個好男仔，因為阿姨以前比人呃過。＂咦?  咁複雜? 又破碎家庭? ＂

 

「Er .... 忘記啲唔開心野，今晚妳做主角吖，陣間再去跳餐勁嘅，宜家合埋眼晌我膊頭瞓陣先。」唉，仲邊有心情搏懵，有啲野你估我睇唔出咩? 阿儀係好女仔,只可惜咁單純嘅妳唔比我呃遲早比第二個,遲啲同家姐商量下先。 

 

九點半架船先埋岸一次放啲想早走嘅，阿儀同我係其中之一，同行人中有幾個落啲熟路嘅一齊，因為我果陣都未落過，可惜呢班友純係想昆女，而我，目的想阿儀盡興，盡量發洩後清醒啲 諗下以後嘅野，想唔想改變 ? 跳舞唔可以跳成世，就算比妳日日好似今日咁威又如何? 妳冇其他本事咁將來邊有能力照顧年紀會大的阿姨呢?

 

11 適應

舊紅磡碼頭行去尖沙咀唔遠，阿儀同一個叫 Connie 嘅女仔要換衫先， 有另一個作用就係要借用佢把聲打電話比阿姨報平安，十一點搵個静静地嘅地方，講個舞會完咗，宜家係幾個女仔傾心事的時侯，今次一走唔知幾時會再返香港 .... 大話? 因我而講的大話的確唔少。最後阿儀補句「阿姨，聽日不如下午先開鋪，我會乖架喇，唔好掛心，早啲 瞓」。睇阿儀以前好少有得去夜街，宜家仲要成晚唔返。 我Call返阿榮留個口訊講尖東果個位置，放心， 劃咗位以後夜晚8點到一點都係你地嘅。 

 

比錢入場之後嘈到乜都聽唔到，飲品? 最好少掂， 以前係冇咩落藥迷姦水果啲， 我只係嫌果度啲杯唔乾淨， 點呢?  原來係咁多人同咁鬼迫， 根本唔會有人讓你， 一堆人撞來撞去， 但阿儀話無所謂， 的確， 佢節奏感好好， 而且當佢落埋去跳果陣出現咗個怪現像， 有人跟住佢跳， 或者咁講， 佢地係集體跳緊同一種舞， 係咩舞我真係唔識， 我? 點會落去獻醜， 搞搞下阿儀再出絕招， 女仔solo 跳 Break dance， 嘩， 甩手甩腳咁， 在場識跳嘅男仔都唔多， 該煨囉， 我究竟帶咗隻咩怪物入嚟?

 

阿儀好快適應， 好忘我， 天生一個 dancer， 我就始終嫌嘈， 鬼地方， 又有啲男仔痴埋阿儀度， 循例我要拉走阿儀， 死囉， 有啲妒忌添。阿儀好識做， 攬住我鍚咗下， 同人地講，「我男朋友」。「多謝， 我玩得好開心。」死囉， 睇怕我個如意算盤今次未必可以打得響。 

 

12 早知

定落嚟， 阿儀話想去廁所， 我叫Connie 陪佢， Connie 話「你陪啦， 入到去你就知 」。唉， 原來所謂分咗男女廁， 啲人都係亂嚟， 沿路已經有幾堆攬埋一舊， 推開女廁， 入面居然有對肉蟲， 心諗「嘩， 我未成年架」。咁既情况我索性入埋女廁， 搵格冇人嘅阿儀入去我企晌門前守住， 唔多敢望佢地， 嘔嘅野周圍都係， 有得報食環署個老細實破產。但當年只要你有交足睇場費就得， 因為過12點鐘後既秩序係由另一班人負責。 

 

污煙瘴氣， 已經融入環境嘅阿儀完全冇乜野， 仲話「 ....原來係咁， 一直以來只係自己跳同學人地跳， 比佢地話過跳得冇Heart， 冇靈魂， 原來， 原來個感覺係咁樣樣嘅。」

 

哎呀， 阿姐， 搞咁耐原來妳鬼上身吖? 另一個睇法係佢真係天才， 咁短時間就脱胎換骨。真係應該聽啲前輩講， 搞咗先， 引誘佢食粉導佢升仙， 再話爭人好多錢唔還實比人斬死， 叫佢先借筆錢再返廳兩年頂住， 還哂有剩咪到時結婚搞下啲小生意， 條路個個都咁舖架啦。 唉，  失策。 

 

13 嘆氣

出返嚟 Connie 佢地話走， 再細聲同我講家姐晌出面。 吓? 乜今日咁多驚喜? 妳個Connie， 我以為妳係貪玩所以跟埋嚟， 點知妳係派嚟監視我嘅。出到嚟先知成三點幾， 開咗竅嘅阿儀仲渾身是勁， 入咗咩電芯吖妳?  而突然， 我有種無助感 ..... 奇怪。  

 

出到嚟見到家姐架車， 家姐個人， 阿儀望到家姐之後， 我見佢瞳孔開始放大， 跟住仲自己行去家姐果邊， 兩個仲行遠咗傾密計 。我， 我， 我 ...... 。Connie 佢地似乎知道咩事， 在場好似係得我一個呆若木雞， 劇本唔係咁寫架喎。 

 

佢地傾好， 家姐上返車， Connie 同一個男人上車， 其餘嘅人就走開， 得阿儀笑住咁拖住我話「行囉 」。死囉， 好似無人當我存在咁， 咩事呀? 阿儀帶我去返初次佢跳舞果度， 圍住我一邊跳一邊講「自從六歲佢阿爸阿媽車禍喪生， 完全失晒人生方向， 只記得阿媽生前教過佢跳舞， 係跳舞果陣先覺得個人平靜啲， 雖然阿姨好鍚佢， 但始終寄人籬下， 一直覺得自己好怪， 細個根本冇朋友 ......... 」阿儀知道我唔係佢小學同學。 

 

「你第一次嚟睇我跳已經有種奇怪感覺， 好似釋放咗一啲野， 個身輕咗， 以前係跟住大圍個 bit 跳， 由佢地帶住， 船河出去果陣我好緊張， 你鬆手之後我一個跳， 無晒束縛跳得好舒服， 頭先仲帶動到其他人一齊跳， 嘩， 嘩， 嘩 .....  」一直大叫....   

 

仲話唔係鬼上身 ? 仲唔係吱吱喳喳 ? 點解會咁架 ?  「多謝， 多謝你呀， 數仔」。我真係無意中發掘到隻怪物出嚟， 破碎單親家庭長大嘅女仔有種無形嘅魄力， 漸漸， 呢個消息傳開晒， 十年後某間娛樂有限公司仲重點揾呢啲對像力捧， 捧出咗個姓容既天后出嚟。 我除咗嘆氣， 仲可以做咩?  

 

14  變化 

阿儀興奮大叫完我地去欄杆邊坐， 收咗聲嘅阿儀一伏晌我膊頭就瞓著， 跳咗咁耐應該累了。  我沉思究竟仲可以點發展 ? 畢竟, 我當時只係17歲。  咁，.... 唯有晌天星碼頭睇住日出先。啊， 係喎， 家姐比過的地址? 最近果個晌佐敦。等到阿儀醒， 我話「行囉， 去食早餐」, 我揹住佢個袋拖住佢行去東涌街附近食野， 然後上去拍門， 一間公寓， 知道我係邊個之後佢地入去其中一間房拍醒兩條友讓咗間房比我地， 終於可以沖返個涼， 阿儀瞓咗晌床， 精力透支的後遺症， 我都要恰一陣， ......zzzZZZ。  

 

我醒嘅時候接近1點， 阿儀已經梳洗好容光焕發咁「♡ 你醒喇?」我洗完面著好衫之後阿儀話「你冇紋身喎」佢意思係佢以為所有古惑仔都會有。然後， 開始講佢已經有決定， 會幫我家姐手， 唔好心邪， 係另外關於跳舞方面嘅工作， 家姐比一個月時間佢準備， 佢要去外國受訓， 詳情細節我無問， 阿儀仿似一夜間長大到去到同家姐同級， 而我好似即刻縮咗變返個細路。 

 

落樓响附近行咗陣就送阿儀返去， 不過氣氛唔同咗， 同佢一齊呢幾日個變化落差好大， 我心知阿儀將來會成為名人， 經過包裝再返嚟會唔同晒， 阿儀當然唔係佢真名， 正如我都唔係叫阿文。 

 

 

15 報酬  

静咗兩日， 星期三晚去個新場睇下阿榮佢地慣唔慣， 去到見得阿儀一個跳緊， 其餘坐低欣賞， 我坐埋阿榮身邊佢就問我比咗咩藥阿儀食? 我苦笑。跳完， 大家拍掌， 阿儀攞條毛巾抹汗就同我行去另一邊， 話呢度大家好滿意， 同埋， 家姐有個信封托佢交比我， 同上次收文文個信封一樣， 我知咩事了。 

 

然後阿儀問「數仔， 你估你可唔可以一口氣由呢度跑去紅磡廣場果度?」咁挑釁性嘅說話妳都Up得出? 「贏咗咩獎品?」。阿儀話，「你話點就點， 嚟， 追我吖♡」。而我 「喂， 走先喇， 咁多位」。就開始追住阿儀跑， 追女仔， 今次真係要追女仔。 

 

沿途其實大家都就住跑， 而且， 我又知道咩事， 家姐字條上的另一個地址， 可以瞓覺沖涼的地方。 明白之後差唔多到果陣我出盡力跑， 終於追到阿儀「服輸未」?  哈哈哈咁一齊上去。除衫， 第一次望住阿儀的全身， 好快由本來嘅，伸展到，變成一枝強而有力既武器。 進攻喇， 呢隻怪物全身好敏感， 掂邊度縮邊度， 沖緊涼根本搞唔到， 閃來閃去， 唯有抱佢上床， 佢以為反轉瞓冇事? 我按實佢再對準， 冇得走喇啩， 「呀~~~ 」。 

 

如是者， 又一身汗。阿儀話「數仔， 你係我第一個男人， 不過唔會係最後一個♡」而我，「明白， 妳係我第36個女人， 今年之内我要儲齊一百個」「痴線嘅你， 有冇咁多呀?」休息一陣再搞多次， 今次阿儀開始習慣， 冇再叫得咁大聲。而我地都明白將來行嘅路大家都唔同， 或者唔會再見， 又或者再見果時大家都唔知係咩身份。就好好享受今晚 ......

 

「嘩~ 你仲嚟吖 ♡亅

「係呀， 衰妹妳頂住呀」。 

全篇完

 回首頁