08 【 誤 會 3】
08 誤會C
拒絕自己鍾意同對自己有好感既女仔,第一次。坐咗晌大坑東球場座位果陣,我想劈頭第一句就話:(我唔係警察,唔係叫楊康,而且我得十七歲,同妳細佬一樣讀書唔成 …。) 幸好可盈未到。
真係唔知點開口,可盈到咗之後,更難開口,而佢憂愁個樣,不施脂粉,呢D 咪天然美囉。膚色偏白,眼捷毛天生又濃又長,咀細,幾好咀吓,唉。卒之,我開口話,不如我地拍拖?
相反,今次可盈幫我做咗決定,佢話佢嚟緊幾年想專心讀書,因為起步已經比人地遲,身份証仲報大三年,時間無多,唔想…。我…… 有種如釋重負,我攬住佢,因為唔想比佢睇到我當時面部表情,我話:( 好,我尊重妳決定,妳真係個好女仔。)
我:(我地拍唔成拖唔緊要,做朋友囉,得閒飲茶。) 阿盈兩眼盈眶,水汪汪咁望住我。我心諗,咁靚既女仔唔知第時幾時先再遇到。可盈有野想講,大概想講D 唔好意思之類既說話,我話既然決定咗就一齊接受,嚟啦,我地今日拍一日拖,Ok?行囉。
就咁,我地全日手拖手咁周圍行嘻嘻哈哈,行到廟街我買D 豬二繩飾物比佢,佢買個打火機比我,到夜晚再食瀨尿蝦炒蜆,兩個人叫咗十二碟野,飲咗四枝大啤,然後十點再行返去旺角陪佢搭車送佢返屋企。
晌佢樓下我地攬咗45分鐘,然後告别。今次比人拒絕得好,响佢樓下個告示牌我見到自己既倒影,哼!做乜剷到個頭咁短?做乜曬到咁黑?做乜咁似差佬?
所以,之後我開始留長頭髮,適逢當時鄭伊健都留,好吖,一齊。
全篇完
《 楊康 上集》
扮角色扮得咁過瘾? 21歲既楊康? 晌可盈心目中確曾有個咁既人出現過,計數仔心目中亦係,仲間中晌我照鏡或睇到自己倒影果陣走出嚟。
追文文果時曾經出現過兩隻識飛既天使數仔同魔鬼數仔,今次仲離譜,成個人出現。明明我已經改晒成個Look,但見到既倒影依然仲係以前既自己,佢仲開聲同我講野,問我點解唔留住可盈?我唔鍾意但佢鍾意。
我比呢個現像嚇親,不過聰明既我即刻知道只係幻覺,嚇我唔到既。
《 楊康 下集》
但幾個月内出現過幾次之後,我忍唔住問佢想點?佢答我,佢叫楊康,一直都存在响我身上,問我記唔記得9歲差D 比貨車車死,11歲打赢個肥仔,15歲隻揪抽赢咗傻強,打個佢真係傻咗。我話你痴線。佢話係呀,你宜家就係痴線。
我自言自語咗好耐,楊康,究竟你想點?你掛住可盈?但我唔係喎,而且你係假架。鏡入面同我一模一樣既楊康就話,不如打過吖,赢果個話事。就咁,我暈咗响屋企,直至老豆發現,送咗我去醫院醒返。哼!我知我已經打赢咗佢,因為我多佢一重想幫家姐手呢個信念,阻我者死,你楊康都唔例外。
完。
0 則留言:
發佈留言
歡迎表達意見
訂閱 發佈留言 [Atom]
<< 首頁